આ ગ્રંથમાળા આજ સુધી એક- એકથી ચઢિયાતા લગભગ ૫૧ ઉપરાંત ગ્રંથો પ્રકાશિત કરી ચુકી છે. ઘણા ગ્રંથોની તો બે-બે, ત્રણ-ત્રણ આવૃતિઓ બહાર પાડી ચૂકી છે. જે ગ્રંથમાળાની લોકપ્રિયતા સિદ્ધ કરે છે.

આ ગ્રંથ પ્રકાશનની જ્ઞાન યાત્રાને આપ ઉદારતા દાખવીને મજબૂત અને સદ્ધર બનાવો તથાજૈન શાસનના મૌલિક વિવિધ વિષયોના પ્રચાર-પ્રસાર કાર્યોમાં સહભાગી બનો એ જ વિનંતી.

આ ગ્રંથમાળાને સાથે સાથે “ધર્મદૂત” માસિકના માધ્યમથી સમ્યગ્જ્ઞાનનો, તત્વજ્ઞાનનો પ્રકાશ પાથરવાનું ભગીરથ કાર્ય અવિરતપણે ચાલુ છે. જેનો અમને અનહદ આનંદ છે.

ગ્રંથમાળાના પુસ્તકો ભેટ આપવાં માટે કે પ્રભાવના રૂપે આપવામાટે સંપર્ક સાધવા વિનંતી.

સમ્યગ્જ્ઞાનનું લેખન કરાવવાથી. એનો પ્રચાર – પ્રસાર કરવાથી, એમાં સહભાગી થવાથી. એની આરાધના કરવાથી જ્ઞાનાવરણીકર્મનો ક્ષય થાય છે.